Pangit Ba Ako?

Pangit Ba Ako?

Andito na naman ako nakakainis pero naisip ko lang kasi nag eemote na naman ako. Andami ko kasing kaibigan daw pero hindi ko talaga alam kung kaibigan ko sila o hindi. Ako ay simpleng tao lamang friendly naman akong tao madali namang makagaanan ng loob pero parang wala akong kaibigan. Hindi naman ako bait baitan pero ako'y likas lang talagang ganito walang halong pagkukunwari transparent akong tao what you see is what you get. Siguro ako'y isang introvert, nanghihina ako kung ako'y exposed sa maraming tao parang effort talaga sa akin na magpaka-belong sa isang grupo.

Pag ako'y nag status sa facebook wala man lang nag rereact! Isang araw nasira phone ko naerase lahat contacts ko so nag status ako na text niyo na lng ako with ur name. Naku sa 538 kong kaibigan dalawa lng ang nagtxt! starting nun hindi na ako sumasabay sa lakad, lahat ng mga christmas parties hindi ako aatend! Mas gusto ko pang mag-isa kaysa naman sayangin ko lang ang pakikitungo ko sa mga taong hindi naman ako pinapahalagahan. Hindi naman ako possesive na kaibigan, narealize ko lang na magfocus na lang ako sa buhay ko kung ano ang gusto kong gawin tutal sanay na naman akong independent pero sa kaibuturan ng aking budhi ako ay nalulungkot dahil walang umalalay sa akin pag nalulungkot ako, nasanay akong mag-isang pumunta ng simbahan,kumain sa food court mag-isa,mag lunch ng 3pm dahil ako lang mag-isa kumain sa pantry,mag-isang manood ng sine at manood ng concert! Feeling ko ang mga kaibigan ko lang ay ang aking mga kapatid pero kahit man sila ay nagbabago din kasi tumatanda din at nasa probinsiya silang lahat mag-isa lang ako dito sa Manila.

Ang dami kong kaibigan nung nag-aaral pa ako kasi siguro hangad lang nila na magpaturo at mangopya. Ngayon naman dahil ba maganda ang pinapasukan kong trabaho lapitin na ako ng mga kaibigan ko daw? Hello hindi ako ganun kababaw mag-isip para hindi ko sila mahalata. Ayaw kong mapabilang sa mundo ng pagkukunwari! Mababaw lamang ang aking kaligayahan basta ok ka sa akin ok din ako sayo, wala akong pinipili basta mabait ka lang at malinis ang hangarin. Minsan nilalayo ko na lang ang sarili ko sa isang grupo pag feeling ko naging close na ako kasi ayaw kong masaktan kasi naging pattern na rin na kapag nag invest na ako ng tiwala sa isang grupo bigla na lang akong nabitawan. Sa isang kasal hindi man lang ako naalalang iinvite tapos ako pa daw itong others?!! Sa office pag may mahirap na assignments walang ibang options kundi ay ako lamang, pag may naka offend sa akin ang laging sinasabi iintindihin ko lang kasi mas ako yung nakakaintindi. Hello! manhid ba ako? Wala na ba akong karapatang masaktan? Ayaw kong dumating sa punto na hindi ko na alam ang pagkakaiba sa tamang emosyon at mali, ayaw kong dumating isang araw na hindi ko na alam kung ano na ang feelings ko sa isang bagay dahil sa mga bagay na kailangan ko dawng intindihin.

Kaya minsan napaisip din ako pangit ba ako? Bakit nauumay ang mga tao sa akin? Siguro dahil hindi sila ang tawag ng magiging totoong kaibigan ko. Minsan ako'y nag-iisa masaya pero kahit papaano may mga times na nalulungkot din. Naisip ko ba ang mga bagay na ito dahil panahon na para ako'y magka girlfriend? Sa akin ang isang relasyon ay sagrado, kung mali ang pananaw ko dito ay huwag ko na lang munang tatahakin baka hindi ko mapanindigan.Papasok ako sa isang relasyon hindi dahil malungkot ako kundi dahil mahal ko siya.

Naisip ko rin hindi kaya mataas ang standard ko sa pagpili ng isang kaibigan? Natural lang dahil buhay ko ang iaalay ko sa totoo kong kaibigan. If you are worth as my friend then you are worth of my life. Dumating din sa punto na napapagod din akong maging totoong kaibigan sa mga taong wala namang pakialam sa akin o kaya'y civil lang ang turing sa akin. Ayaw kong maging vocal sa nararamdaman ko dahil ang sagwa hindi naman ako desperado ayaw kong maging ganun gusto ko kusa silang maging totoo na hindi na kailangang magbuwis ng sentimento dahil doon nasusukat and tunay nilang hangarin.

Ako'y sadyang tahimik na tao, palangiti, maraming tumitingala (assuming lolz) pero namimiss din ang totoong halakhak. Pero pangit ba ako?dahil ba simple at mahirap lang ako? Ang pagkakaalam ko mahirap ako sa ngayon pero kung sa pangit maaaring OO maaring HINDI pero conciously or unconciously naging batayan din natin ito sa paghahanap ng kaibigan dahil hinimok ng makamundo ang ating kaisipan basta ang sa akin pag kaibigan mo ako kaibigan din kita!